26. 6. 2020: Ікона з Клокочова у парохіях Пармской єпархії в США

Ґрекокатолицькы віюруючі з русиньской Пармской єпархії в штатї Огаё, США, мають можность молити ся при копії чудотворной іконы Пресвятой Богородіцї з Клокочова.

Як інформовав Пресовый центер Кошыцькой єпархії, Клокочівска ікона путує по парохіях деканату Огаё в часї од 20-го юна до 23-го авґуста 2020-го року із нагоды 350-ой річніцї чудесного слызыня іконы.

Вірну копію чудотворной іконы подаровав владыка Мілан Хаутур, кошыцькый єпархіалный єпіскоп у 2018-ім роцї владыкови Міланови Лахови, пармскому єпархови почас пути ґреакокатолицькых віруючіх зо Споєных штатїв Америкы по вызначных ґрекокатолицькых путницькых місцях і центрах на теріторії середнёй Европы. Переданя того подарунку мало сімболізовати комуніту і любов меджі тыма двома єпархіями.

Чудотворна Клокочівска ікона Пресвятой Богородіцї є історічно перша із трёх, котры слызыли, на теріторії втогдышньой великой Мукачовской ґрекокатолицькой єпархії. Слызыла в роцї 1670 в Клокочові, маленькім селї коло Михаловець. Такым способом вказала Богородіця свій покров – охрану, над людми Землпіна, котрый страждав од войны.

Церьков у Клокочові, де мож найти копію оріґіналной іконы, є вызнанчным путницькым місцём про ґрекокатоликів. Того часу Кошыцька єпархія робить на выбудованю путницького дому.

Петро МЕДВІДЬ, лем.фм, язькова управа: А. З.